Զլատան Իբրահիմովիչը երեք խաղով որակազրկվել է
«Մանչեսթեր Յունայթեդի» հարձակվող Զլատան Իբրահիմովիչը որակազրկվել է 3 խաղով «Բորնմութի» հետ կայացած հանդիպման ժամանակ տեղի ունեցած միջադեպի համար: Զլատան Իբրահիմովիչը որակազրկվել է 3 խաղով Ֆուտբոլային ասոցիացիայի կողմից: Այդպիսի որոշման պատճառ է հանդիսացել «Բորնմութի» հետ խաղի ժամանակ տեղի ունեցած միջադեպը: Շվեդ հարձակվողն արմունկով հարվածել էր «Բորնմութի» պաշտպան Թայրոն Մինգզին, ով դրանից առաջ խաղակոշիկով կանգնել էր Իբրահիմովիչի գլխին: Իբրահիմովիչը բաց կթողնի Լոնդոնի «Չելսի»-ի դեմ գավաթային մրցավեճը և Պրեմիեր լիգայի 28-րդ և 29-րդ տուրում կայանալիք «Միդլսբրո»-ի ու «Վեսթ Բրոմվիչ»-ի դեմ խաղերը:
Հետևեք մեզ Viber-ում
