Լևոն Արոնյանը կմասնակցի Ցյուրիխի միջազգային մրցաշարին

Հայաստանի շախմատի հավաքականի առաջատար Լևոն Արոնյանը կմասնակցի փետրվարի 12-ին Ցյուրիխում մեկնարկող գերհզոր մրցաշարին, որտեղ նրա մրցակիցները կլինեն աշխարհի նախկին չեմպիոններ Վլադիմիր Կրամնիկը և Վիշվանաթան Անանդը, Հիկարու Նակամուրան, Անիշ Գիրին և Ալեքսեյ Շիրովը: Մրցաշարը անցկացվելու է երկու շրջանով: Առաջինում մրցակիցները միմյանց դեմ կմրցեն, ինչպես կազմակերպիչներն են նշում «նոր դասական» ժամակարգով, որտեղ կողմերին կտրվի 40 րոպե պարտիայի համար (յուրաքանչյուր քայլին 10 վայրկյան հավելումով), իսկ երկրորդ շրջանը կանցկացվի կայծակնային շախմատի կանոններով: Մրցաշարի բացման արարողությունը տեղի կունենա փետրվարի 12-ին` Երևանի ժամանակով 21.00-ին: Մրցաշարը կանցկացվի հետևյալ ժամանակացույցով. Փետրվարի 13 18.00 1-ին տուր Փետրվարի 13 21.00 2-րդ տուր Փետրվարի 14 18.00 3-րդ տուր Փետրվարի 14 21.00 4-րդ տուր Փետրվարի 15 18.00 5-րդ տուր Փետրվարի 15 21.00 կայծակնային մրցաշար Ժամանակացույցում պարտիաների մեկնարկը նշված է Երևանի ժամանակով: