Հայաստանի հունահռոմեական ոճի ըմբշամարտի հավաքականը կմեկնի Կիև
Հայաստանի հունահռոմեական ոճի ըմբշամարտի հավաքականը 10 մարզիկով կմասնակցի Կիևի միջազգային մրցաշարին: Այդ մասին «Արմենպրես»-ի հետ զրույցում հայտնել է ազգային թիմի գլխավոր մարզիչ Լևոն Ջուլֆալակյանը: Կիևի մրցաշարին կմասնակցեն 59 կգ քաշային Գևորգ Ղարիբյանը, 66 կգ քաշային Կարեն Ասլանյանը, 70 կգ քաշային Վարշամ Բորանյանը, 75 կգ քաշային Ռաֆայել Ալեքսանյանը, 80 կգ քաշայիններ Սարգիս Քոչարյանը և Ռաֆիկ Մանուկյանը, 85 կգ քաշայիններ Մաքսիմ Մանուկյանը, Արթուր Շահինյանը, 98 կգ քաշային Օլիմպիական չեմպիոն Արթուր Ալեքսանյանր 130 կգ քաշային Վաչիկ Եղիազարյանը: Հայ ըմբիշները մարտի 1-ին կմեկնեն Կիև: Մրցաշարը կմեկնարկի մարտի 3-ին և կավարտվի մարտի 4-ին:
Հետևեք մեզ Viber-ում
