«Բանանց»-ը փետրվարի 11-ին կմեկնի Կիպրոս

Փետրվարի ութին «Բանանց»-ի արհեստական խոտածածկով խաղադաշտում ստուգողական հանդիպում տեղի ունեցավ «Բանանց»-ի և «Բանանց-2»-ի միջև: 3-2 հաշվով հաղթեց առաջին թիմը, տեղեկացնում է ակումբի պաշտոնական կայքը: Այս խաղում «Բանանցի» գլխավոր մարզիչ Տիտո Ռամալյոն հանգստանալու հնարավորություն էր տվել նախորդ օրը «Ալաշկերտ-2»-ի դեմ խաղացած ֆուտբոլիստների մեծամասնությանը և դաշտ էին դուրս եկել հիմնականում այն խաղացողները, ովքեր քիչ խաղաժամանակ էին ստացել նախորդ խաղում: «Բանանց-2»-ի ֆուտբոլիստները խաղի ընթացքում պարտվում էին 0-3 հաշվով, սակայն մեծ ցանկության շնորհիվ կարողացան երկու գնդակ հետ բերել: Առաջին կեսում անկյունայինի խաղարկությունից հետո Էդգար Մովսիսյանը գնդակն ուղարկեց դեպի դարպասի կողմ և «Բանանց-2»-ի պաշտպանը գնդակն ուղարկեց սեփական դարպասը: Քիչ անց Էդգար Մովսիսյանի փոխանցումի հետո Հովհաննես Իլանգյոզյանը գլխի հարվածով երկրորդ գնդակն ուղարկեց դարպասը: Երկրորդ կեսում «Բանանց»-ի գրոհն ավարտվեց Ացամազ Բուրաևի դիպուկ հարվածով՝ 3-0: Խաղավերջում «Բանանց-2»-ի ֆուտբոլիստներն ավելի շատ էին տիրում գնդակին և կարողացան երկու անգամ գրավել «Բանանցի» դարպասը: Երկու դեպքում էլ աչքի ընկավ Նելսոն Խաչատրյանը: Նա նախ գոլի հեղինակ դարձավ Ժիրայր Մարգարյանի, ապա՝ Էմիլ Եղիազարյանի փոխանցումից հետո: Այսպիսով, ձնառատ խաղադաշտում կայացած խաղում գրանցվեց 3-2 հաշիվը: Փետրվարի 11-ին «Բանանց»-ը կմեկնկի Կիպրոս, որտեղ կանցկացնի վերջին ուսումնամարզական հավաքը մրցաշրջանի վերսկսումից առաջ: