Աշխատում եմ անել այն, ինչ կարող եմ, նույնիսկ երբ չեմ խաղում.Մխիթարյան

«Ամեն ինչ լավ անցավ։ Սա մեր լավագույն խաղը չէր, հատկապես՝ առաջին խաղակեսում, սակայն ընդմիջումից հետո մենք ավելացրեցինք։ Առաջին խաղակեսում թիմն ազատ տեղ չէր գտնում, սակայն հետո սկսեցինք ավելի լավ ստեղծել ու տարածություն գտնել։ Ամենակարևորն այն է, որ հաղթեցինք 4։0 հաշվով ու առաջ շարժվեցինք։ Ես խփեցի գերազանց հակագրոհից հետո։ Ամեն ինչ շատ արագ կատարվեց։ Ոչ մի նշանակություն չունի՝ խաղո՞ւմ եմ, թե՞ ոչ։ Ես բոլոր դեպքերում փորձում եմ անել այն, ինչ կարող եմ։ Փորձում եմ ամեն ինչ անել թիմի համար», - «Մանչեսթեր Յունայթեդի» կիսապաշտպան Հենրիխ Մխիթարյանը մեկնաբանել է «Ուիգանի» նկատմամբ 4։0 հաշվով գրանցած հաղթանակն Անգլիայի գավաթի խաղարկության 1/16 եզրափակչում,  փոխանցում է Sports.ru-ն: