«Մոսկվա Օփեն». Լիլիթ Գալոյան զբաղեցնում է 3-րդ հորիզոնականը

Մոսկվայում ընթացող «Մոսկվա Օփեն» խոշոր միջազգային շախմատային փառատոնի «Բ» մրցաշարային խմբում հանդես եկող Լիլիթ Գալոյանը 7-րդ տուրում պարտվել է Հունգարիայի ներկայացուցչին: Հայ շախմատիստուհին վաստակած 5,5 միավոր 2-րդ հորիզոնականից տեղափոխվել 3-րդ հորիզոնական: Նա մրցաշարի առաջատար՝ Ռուսաստանը ներկայացնող Անաստասիա Բոդնարուկից հետ է մնում 0,5 միավորով: Միայն կանանց համար անցկացվող «Բ» խմբում հանդես եկող մյուս հայ շախմատիստուհի Սուսաննա Գաբոյանը 7-րդ տուրում հաղթել է Ռուսաստանը ներկայացնող մրցակցին և վաստակած 4,5 միավորով 53-րդ հորիզոնականից տեղափոխվել է 35-րդ հորիզոնական: Այս խմբում մրցաշարին մասնակցում է 72 շախմատիստուհի: Տղամարդկաց համար անցկացվող գլխավոր «Ա» մրցաշարում հանդես են գալիս 7 հայ շախմատիստներ, որոնցից Սարգիս Սարգսյանը 4,5 միավորով 33-րդ հորիզոնականում է, Դավիթ Պետրոսյանը 57-րդն է, Շանթ Սարգսյանը՝ 74-րդը, Սարգիս Մկրտչյանը 87-րդը: Հարություն Գևորգյանը և Աշոտ Պետրոսյանը, համապատասխանաբար, 88-րդ և 116-րդն են: Այս խմբում առաջատարը 6,5 միավորով Ռուսաստանի ներկայացուցիչ Արտյոմ Տիմոֆեևն է: