«Չեմ կարծում, որ Կլոպը նույնքան հանգիստ է, որքան և ես».Մոուրինիո

«Սիրում եմ հաղթել, ինչպես և յուրաքանչյուր մարզիչ: Յուրաքանչյուրն ունի իր անձնական տվյալները, իր մարզման և թիմի ղեկավարման ոճը, բայց մենք Կլոպի հետ ինչ-որ նման բան ունենք:Վստահ եմ, որ մենք ունենք մարդկային և մարզչական տարբեր որակներ, բայց նա ուզում է խաղալ այնքան ուժեղ, որքան ես, նա նույնքան մոտիվացված է, ինչքան և ես: Վստահ չեմ, որ նա նույնքան հանգիստ է, որքան և ես, բայց առջևում ընդամենը ևս 1 մեծ խաղ է մեր կարիերաներում: Հիմա մեր արդյունքներն ավելի լավն են, քան «Էնֆիլդի» խաղից առաջ, և դա շատ բան է փոխում: Այն խաղից առաջ ես քիչ ժամանակ էի ակումբում, բայց հիմա ես թիմն ավելի լավ գիտեմ:Մեր ոճը դարձել է ավելի լավը, մեր խաղը դարձել է ավելի լավը, մեր արդյունքներն ավելի լավն են »,- ESPN-ի փոխանցմամբ այս ամսին ասել է «Մանչեսթեր Յունայթեդի» գլխավոր մարզիչ Ժոզե Մոուրինյոն: «Մանչեսթեր Յունայթեդը» կընդունի «Լիվերպուլին» հունվարի 15-ին: Առաջին շրջանում թիմերի միջև խաղն ավարտվել է 0:0 հաշվով: