Հայաստանի հավաքականի նախկին ֆուտբոլիստն ավարտեց կարիերան
«Շիրակի» գյումրեցի կիսապաշտպան Կարեն Ալեքսանյանը ավարտել է ֆուտբոլիստի կարիերան։ «Շիրակի» կազմում 35-ամյա Ալեքսանյանը նվաճել է 12 մրցանակ։ Պրոֆեսիոնալ կարիերան կիսապաշտպանը սկսել է 1998-ին՝ հանդես գալով «Շիրակ-2»-ում, իսկ գյումրեցիների գլխավոր թիմում նա առաջին հանդիպումն անցկացրել է 1999-ի մարտի 7-ին: Փորձառու ֆուտբոլիստը խաղացել է նաեւ «Փյունիկում», «Բանանցում», «Ուլիսում», մոլդովական «Զիմբրուում» եւ բելառուսական Ժոդինոյի «Տորպեդոյում»:
Հայաստանի ազգային հավաքականի կազմում Կարեն Ալեքսանյանն անցկացրել է 25 հանդիպում։ Այժմ նա մարզչական գործունեություն կսկսի ակումբում, հայտնում է «Շիրակի» կայքը:
Հետևեք մեզ Viber-ում
