Մխիթարյանը բացահայտում է

Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը Sky Sports-ին տված հարցազրույցում խոսել է իր և «մանկունյանցիների» գլխավոր մարզիչ Ժոզե Մոուրինյուի հարաբերությունների մասին: ««Մանչեսթեր Յունայթեդ» տեղափոխվելիս կարծում էի, թե պետք է լինեմ մեկնարկային կազմի ֆուտբոլիստ, սակայն երբ ժամանեցի, տեսա, որ 25 ֆուտբոլիստներ պայքարում են թիմում իրենց տեղի համար: Այդ ժամանակ հասկացա, որ ամեն ինչ սպասվածի պես հեշտ չի լինելու: Ես վատ հանդիպում անցկացրի «Մանչեսթեր Սիթիի» հետ, սակայն դա անցյալում է, և ես պետք է շարունակեմ աշխատել ինձ վրա: Ես մեծ աշխատանք եմ կատարել կրկին հնարավորություն ստանալու համար: Մարզիչը մեծ ընտրություն ունի. 5-6 ֆուտբոլիստ պայքարում են մեկ դիրքի համար: Ուստի խոսքը իմ և Մոուրինյուի վատ հարաբերությունների մասին չէ, և, առհասարակ, մենք միշտ լավ հարաբերություններ ենք ունեցել, խնդիրը ոչ թե նրա, այլ իմ մեջ էր: Այժմ հասկանում եմ, թե ինչու եմ կրկին հնարավորություն ստացել և ես կպահեմ այն, ես բաց չեմ թողնի այդ հնարավորությունը, քանի որ ինձ համար չափազանց կարևոր է խաղալը` լինելու «Մանչեսթեր Յունայթեդի» մի մասնիկը», - ասել է հայ ֆուտբոլիստը: