Հենրիխ Մխիթարյանը դիմում է Հայաստանի հավաքականի ֆուտբոլիստներին

Հայաստանի հավաքականի ավագ Հենրիխ Մխիթարյանը Ռումինիայի դեմ ֆուտբոլի աշխարհի 2018թ. առաջնության ընտրական փուլի երկրորդ տուրի խաղից առաջ  ֆեյսբուքյան գրառումով դիմել է իր թիմակիցներին ու հայ երկրպագուներին: «Տղերք ջան, ձեր կողքին չեմ, բայց ակնկալում եմ մարտական ոգի եւ վստահ խաղ: Մտքով ձեր հետ եմ: Երկրպագուներ ջան, ձեր միահամուռ աջակցությունը շատ կարեւոր է»,- գրել է Մխիթարյանը: Հիշեցնենք, որ անգլիական «Մանչեսթեր Յունայթեդի» կիսապաշտպանը վնասվածքի պատճառով չի ժամանել ազգային թիմի հավաքին:Հայաստան - Ռումինիա հանդիպումը տեղի կունենա հոկտեմբերի 8-ին Երեւանի «Հանրապետական» ստադիոնում եւ կսկսվի ժամը 20:00-ին: