Ռիո-2016. Ուսեյն Բոլթը ոսկե մեդալ նվաճեց

  Ռիո դե Ժանեյրոյում շարունակվող ամառային Օլիմպիական խաղերի 100 մետր վազքի հաղթողի տիտղոսը նվաճեց աշխարհի 11-ակի չեմպիոն Ուսեյն Բոլթը, որը դարձավ 7-ակի օլիմպիական չեմպիոն: 100 եւ 200 մետր վազքի աշխարհի ռեկորդակիրը գրանցեց 9.81 վայրկյան արդյունք: Արծաթե մեդալկիր դարձավ ամերիկացի Ջաստին Գեթլինը, իսկ բրոնզե մեդալը բաժին հասավ Կանադան ներկայացնող Անդրե Դե Գրասին: Հիշեցնենք, որ Ջամայկացի արագավազորդը 100 մետրի աշխարհի ռեկորդը սահմանել է 2009-ին՝ գրանցելով 9.58 վայրկյան արդյունք: Ռիո-2016, աթլետիկա Տղամարդիկ, 100 մետր 1. Ուսեյն Բոլթը (Ջամայկա) - 9.81 վարկյան 2. Ջաստին Գեթլին (ԱՄՆ) - 9.89 3. Անդրե Դե Գրաս (Կանադա) - 9.91