Ռիո-2016. Երկրորդ օրը կվիճարկվի 14 տիտղոս, Հայաստանն ունի 2 մասնակից

Ռիոյի Օլիմպիական խաղերում օգոստոսի 7-ին կվիճարկվի 14 չեմպիոնական տիտղոս: Հայաստանի հավաքականից պայքարի մեջ կմտնեն մարմնամարզուհի Հուռի Գեբեշյանը եւ բռնցքամարտիկ Վլադիմիր Մարգարյանը: 69 կգ քաշային կարգում Վլադիմիր Մարգարյանը ռինգ դուրս կգա Երեւանի ժամանակով 18:00-ին: 1/8 եզրափակիչում նրա մրցակիցը կլինի Ֆիջիի ներկայացուցիչ Ուինսթոն Հիլը: Հուռի Գեբեշյանը սպորտային մարմնամարզության որակավորման փուլում ասպարեզ դուրս կգա երկրորդ մրցահերթում, որի մեկնարկը Երեւանի ժամանակով 18:30-ից է: Ռիո-2016. Երկրորդ օր, եզրափակիչներ 18:00. Հրաձգություն, կանայք, օդամուղ ատրճանակ, 10 մետր 19:30. Խճուղային հեծանվավազք, կանայք, խմբային մրցավազք 22:00. Ջրացատկ, կանայք, Զուգաոստնակ, 3 մետր 22:00. Հրաձգություն, կանայք, ստենդային (տրապ) 22:30. Ծանրամարտ, կանայք. 53 կգ 23:40. Ձյուդո, կանայք, 52 կգ 00:00. Ձյուդո, տղամարդիկ, 66 կգ 00:45. Սուսերամարտ, տղամարդիկ, ճկասուսեր 01:10. Նետաձգություն, կանայք, թիմային պայքար 02:00. Ծանրամարտ, տղամարդիկ, 56 կգ 05:00. Լող, կանայք, 100 մետր բատերֆլայ 05:45. Լող, տղամարդիկ, 100 մետր բրաս 05:55. Լող, կանայք, 400 մետր ազատ ոճ 06:40. Լող, տղամարդիկ, 4х100 մետր ազատ ոճ