Հռիփսիմե Խուրշուդյանի՝ Լոնդոն 2012-ի դոպինգ-թեստը նույնպես դրական է
Ծանրամարտի միջազգային ֆեդերացիան հրապարակել է Լոնդոն 2012-ին մասնակցած այն ծանրորդների անունները, ում դոպինգ ստուգումը դրական արդյունք է տվել: 11 մարզիկի թվում է նաեւ Հայաստանի հավաքականի անդամ, գերծանրքաշային Հռիփսիմե Խուրշուդյանը: Բացի Հռիփսիմե Խուրշուդյանից՝ արգելված խթանիչներ են հայտնաբերվել նաեւ Ինթիգամ Զաիրովի (Ադրբեջան), Նատալյա Զաբոլոտնայայի (Ռուսաստան), Ռաուլի Ծիրեկիձեի (Վրաստան), Ալմաս Ուտեշովի (Ղազախստան), Սվետլանա Ցարուկաեւայի (Ռուսաստան), Սիբել Սիմսեքի (Թուրքիա), Իրինա Կուլեշայի (Բելառուս), Ալեքսանդր Իվանովի (Ռուսաստան), Քրիստինա Իովուի (Մոլդովա) եւ Անդրեյ Դեմանովի (Ռուսաստան) նմուշներում: Այս բոլոր ծանրորդները, ինչպես Հռիփսիմե Խուրշուդյանը, ժամանակավորապես, զրկվել են մրցաշարերի մասնակցելու իրավունքից, քանի դեռ նրանց վերաբերյալ վերջնական որոշում կայացված չէ:
Հետևեք մեզ Viber-ում
