Ամենաբարձր վարձատրվող մարզիկները. Forbes

Forbes պարբերականը հրապարակել է աշխարհի ամենաբարձր վարձատրվող հայտնիների ցանկը: 100 անձանց թվում կան 36 մարզիկներ: Ներկայիս ֆուտբոլային գերաստղեր Կրիշտիանու Ռոնալդուն և Լիոնել Մեսսին ցանկի վերնամասում են: Պորտուգալացին 4-րդն է, իսկ արգենտինացին՝ 8-րդը: Մադրիդի «Ռեալի» և Պորտուգալիայի հավաքականի առաջատարի ընդհանուր կարողությունը գնահատված է 88 միլիոն դոլար: Ոսկե գնդակի հնգակի դափնեկիր Մեսսիի ֆինանսական կարողությունը կազմում է 81.5 միլիոն դոլար: Աղյուսակի 11-րդ հորիզոնականում է անվանի բասկետբոլիստ Լեբրոն Ջեյմսը, ում հաջորդում են թենիսիստներ Ռոջեր Ֆեդերերը և Նովակ Ջոկովիչը: 26-րդ տեղում բասկետբոլիստ Կևին Դյուրանտն է: 37-րդ հորիզոնականը կիսում են գոլֆիստներ Ֆիլ Միկելսոնը, Ջորդան Սպիֆն ու ամերիկյան ֆուտբոլի աստղ Կեմ Նյուտոնը: Եվս մեկ անվանի բասկռետբոլիստ Կոբի Բրայանտը 43-րդն է (կարողությունը՝ 50 միլիոն եվրո): 49-րդ տեղում «Մերսեդեսի» ավտոարշավորդ, աշխարհի գործող չեմպիոն Լյուիս Հեմիլթոնն է: