Հայ շախմատիստների արդյունքները Բաթումիի մրցաշարում

Վրաստանի Բաթումի քաղաքում շարունակվում է «Բաթումիի քաղաքապետի գավաթ» շախմատային փառատոնը: Հայաստանի շախմատի ֆեդերացիայի լրատվական բաժինը ներկայացնում է մրցաշարի արդյունքները. «Ա» մրցաշարի առաջատարների թվում ընթացող Վահե Բաղդասարյանը պարտվեց Դավիթ Բենիձեին, ով այժմ վաստակել է 5 միավոր և միանձնյա գլխավորում է մրցաշարային աղյուսակը: Այս տուրում մեր շախմատիստներից հաղթանակ տոնեց Ռաֆայել Բակունցը, ով վաստակել է 4,5 միավոր և կիսում է 2-5-րդ հորիզոնականները: «Բ» մրցաշարում 6-րդ հաղթանակը տոնեց Տիգրան Գասպարյանը, ով էլ գլխավորում է մրցաշարային աղյուսակը: 2-րդ հորիզոնականում ընթանում է Հովիկ Քոչարյանը, ով վաստակել է 5 միավոր, նույնքան միավոր վաստակած Արթուր Ղարագյոզյանը ընթանում է 3-րդ հորիզոնականում: «Գ» մրցաշարում Հայաստանի ներկայացուցիչ Կամո Սահակյանը վաստակել է 5 միավոր և ընթանում է 2-րդ հորիզոնականում: