«Փյունիկը» դուրս մնաց Եվրոպա լիգայից

Եվրոպա լիգայի որակավորման առաջին փուլի պատասխան խաղում «Փյունիկը» հաղթեց «Եվրոպային», սակայն դուրս մնաց հետագա պայքարից: Քիչ առաջ Վազգեն Սարգսյանի անվան «Հանրապետական» մարզադաշտում Սարգիս Հովսեփյանի թիմը մրցակցի նկատմամբ առավելության հասավ 2:1 հաշվով: Առաջին խաղակեսում թիմերը փոխանակվեցին մեկական գոլով: 12-րդ րոպեին «Եվրոպայի» կազմում խաղի հաշիվը բացեց Խոսե Միգել Գոնսալեսը: 25-րդ րոպեին Ալիկ Առաքելյանը խփեց պատասխան գնդակը: Երկրորդ խաղակեսում՝ 56-րդ րոպեին, «Փյունիկն» առաջ անցավ հաշվի մեջ. աչքի ընկավ Ռոբերտ Մինասյանը: Գոլը ոգեւորեց հայկական թիմի ֆուտբոլիստներին, եւ նրանք փորձեցին զարգացնել հաջողությունը, սակայն մրցակցի դարպասը գրավել այլեւս չկարողացան, թեեւ որոշ դրվագներում անհանգստացրեցին մրցակցի պաշտպաններին ու դարպասապահին. 2:1: Այս թիմերի առաջին հանդիպումը Ջիբրալթարում ավարտվել էր «Եվրոպայի» 2:0 հաշվով հաղթանակով, հետեւաբար հաղթելով ընդհանուր 3:2 հաշվով՝ 2-րդ փուլ է անցնում հենց «Եվրոպան»: Հայկական թիմերից Եվրոպա լիգայում պայքարը կշարունակի «Շիրակը», որը քիչ առաջ Գյումրիի «Քաղաքային» մարզադաշտում պայքարից դուրս թողեց Գորիի «Դիլային»: