Առաջին խաղը՝ Մոուրինյոյի գլխավորությամբ

Անգլիական «Մանչեսթեր Յունայթեդը» Ժոզե Մոուրինյոյի գլխավորությամբ առաջին հանդիպումը կանցկացնի «Ուիգանի» հետ: Այդ մասին հայտնել է  պորտուգալացի մասնագետը: Նախքան Չինաստան մեկնելը «Մանչեսթեր Յունայթեդը» կխաղա հուլիսի 16-ին «Ուիգանի» DW Stadium-ում: Ուղիղ հեռարձակումը կլինիMUTV-ի եթերում, հաղորդում էmirror-ը: «Ուիգանը» 2005-2013-ին հանդես է եկել Պրեմյեր լիգայում: 2013-ին Անգլիայի Գավաթի եզրափակիչում հաղթել է «Մանչեսթեր Սիթիին»: Նոր մրցաշրջանում «Ուիգանը» կխաղա Չեմպիոնշիփում: Այդ խաղից հետո «Մանչեսթեր Յունայթեդն» International Champions Cup ընկերական մրցաշարի հանդիպումների համար կմեկնի Չինաստան: Հուլիսի 22-ին Շանհայում թիմը կմրցի Դորտմունդի «Բորուսիայի» հետ, երեք օր անց Պեկինում կխաղա «Մանչեսթեր Սիթիի» հետ: Հուլիսի 30-ին Շվեդիայում «Մանչեսթեր Յունայթեդը» ստուգողական հանդիպում կանցկացնի Ստամբուլի «Գալաթասարայի» հետ: Անգլիա վերադառնալուց հետո օգոստոսի 3-ին «Մանչեսթեր Յունայթեդն» «Օլդ Տրաֆորդում» Ուեյն Ռունիի պատվին հանդիպում կանցկացնի անգլիական «Էվերտոնի» հետ, իսկ օգոստոսի 7-ին Լոնդոնի «Ուեմբլի» ստադիոնում Անգլիայի չեմպիոն «Լեսթեր Սիթիի» հետ կվիճարկի Անգլիայի Սուպերգավաթը (Community Shield): Հուլիսի 2-ին Դորտմունդի «Բորուսիան» պաշտոնապես հայտարարել է, որ  Հայաստանի հավաքականի կիսապաշտպան Հենրիխ Մխիթարյանը կարիերան կշարունակի «Մանչեսթեր Յունայթեդում»: