Նեյմարի հայրը հերքում է
«Բարսելոնա»-ի հարձակվող Նեյմարի հայրը, ով նաև ֆուտբոլիստի գործակալն է, հերքել է այլ ակումբների հետ բանակցություններ վարելու մասին շրջանառվող լուրերը: Բրազիլիայի հավաքականի ֆուտբոլիստի ծառայություններով, մասնավորապես, հետաքրքրված են Մադրիդի «Ռեալ»-ը, ՊՍԺ-ն, «Մանչեսթեր Յունայթեդ»-ը, որոնք շահավետ առաջարկներ են նախապատրաստում Նեյմարի համար: «Նեյմարը պատկանում է «Բարսելոնա»-ին: Հետևաբար, ցանկացած առաջարկներ պետք է լինեն ակումբին: Այդ մասին խոսելու կարիք չունենք, քանի որ Նեյմարը գործող պայմանագիր ունի, իսկ «Բարսելոնա»-ն գիտի ամենի մասին: Բնականաբար, շրջանառվող լուրերը շատ են: Մարդիկ գիտեն, որ կան ակումբներ, որոնք հետաքրքրված են Նեյմարի ծառայություններով: Բայց դա չի նշանակում, որ դրանց հետ բանակցություններ ենք վարում: Որդիս պետք է հարգի կատալոնական ակումբի հետ իր պայմանագիրը: Նա երջանիկ է «Բարսելոնա»-ում: Ինչ վերաբերում է «Ռեալ»-ին, ապա այդ ակումբը որդուս տրանսֆերը ձեռք բերելու շանս չունի»,- FOX Sports-ը մեջբերում է Նեյմար-ավագի խոսքերը:
Հետևեք մեզ Viber-ում
