Առաջին անգամ կներդրվի գոլերի գրանցման ավտոմատ համակարգ

Ամերիկայի գավաթի 2016թ․ խաղարկությունում առաջին անգամ կներդրվի գոլերի գրանցման ավտոմատ համակարգ։ Համակարգը կոչվում է Hawk-Eye։ Այն կիրառվելու է նաև Չեմպիոնների լօգայի գավաթի խաղարկության եզրափակչում, ինչպես նաև Ֆրանսիայում կայանալիք Եվրոպայի առաջնության բոլոր խաղերում։ Hawk-Eye համակարգը բաղկացած է յուրաքանչյուր դարպասի մոտ տեղադրված 7-ական տեսախցիկից։ Ծրագրային ապահովումը մշակում է գրաֆիկական տեղեկատվություն՝ հետևելով գնդակի տեղաշարժին։ Yahoo Sports-ի փոխանցմամբ՝ եթե գնդակը հատում է դարպասային գիծը, մրցավարը 1 վայրկյանի ընթացքում ստանում է ազդանշան։