Որքան գումարով Բորուսիան պատրաստ կլինի բաց թողնել Մխիթարյանին
Դորտմունդի «Բորուսիայի» ու Հայաստանի հավաքականի կիսապաշտպան Հենրիխ Մխիթարյանը գերմանական ակումբի հետ պայմանագիրը չերկարաձգելու երկու պատճառ ունի:
Ինչպես տեղեկացնում է «Bild»-ը, 27-ամյա ֆուտբոլիստի գործակալ Մինո Ռայոլան ցանկանում է, որպեսզի նոր պայմանագրում նեռարվի հրաժարագնի մասին կետ, ինչին դորտմունդցիները համաձայն չեն: Երկրորդ պատճառն է Լոնդոնի «Չելսիից» ստացած խելահեղ առաջարկը: Ֆանտաստիկ մրցաշրջան անցկացնող Հայաստանի հավաքականի ավագի պայմանագիրը «Բորուսիայի» հետ ավարտվում է 2017 թվականին:
«Լավ կլիներ, եթե նրա շուրջ իրավիճակը պարզվեր մինչեւ Գերմանիայի Գավաթի եզրափակիչը: Եթե դա չլինի մինչեւ եզրափակիչը, գոնե դրանից անմիջապես հետո»,- ասել է դորտմունդցիների գործադիր տնօրեն Հանս-Իոահիմ Վատցկեն:
Աղբյուրի համաձայն՝ «Բորուսիան» ամեն դեպքում պատրաստ կլինի 60 մլն եվրոյով բաց թողնել Մխիթարյանին: Սակայն հաշվի առնելով այն, որ գերակումբները, ամենայն հավանականությամբ, չեն վճարի նման գումար, ապա Գերմանիայի փոխչեմպիոնի ղեկավարությունը պատրաստ է բացառություն կատարել ու Հենրիխին բաց թողնել 2017 թվականին ազատ գործակալի կարգավիճակով:
Հետևեք մեզ Viber-ում
