«Լեսթերից» մինչեւ «Բարսելոնա»

Ամռանը կայանալիք ֆուտբոլիInternational Champions Cupընկերական մրցաշարին այս անգամ կմասնակցի 17 ակումբային թիմ։ Հուլիսի 22-ից օգոստոսի 13-ը Չինաստանում, Ավստրալիայում եւ ԱՄՆ-ում մի քանի ենթախմբերով կայանալիք մրցաշարին կմասնակցեն Անգլիայի չեմպիոն «Լեսթերը», Իսպանիայի չեմպիոն «Բարսելոնան» ու փոխչեմպիոն «Ռեալը», բրոնզե մեդալակիր «Աթլետիկոն», Ֆրանսիայի չեմպիոն ՊՍԺ-ն, Գերմանիայի չեմպիոն «Բավարիան» ու փոխչեմպիոն Դորտմունդի «Բորուսիան», անգլիական «Լիվերպուլը», «Չելսին», «Մանչեսթեր Յունայթեդը», «Մանչեսթեր Սիթին», «Տոտենհեմը», Իտալիայի չեմպիոն «Յուվենտուսը», «Ինտերը», «Միլանը», շոտլանդական «Սելթիկը», Ավստրալիայի «Մելբուռն Վիքթորին»։ Չինաստան կմեկնեն «Բորուսիան», «Մանչեսթեր Սիթին» ու «Մանչեսթեր Յունայթեդը», Ավստրալիա՝ «Աթլետիկոն», «Յուվենտուսն» ու «Տոտենհեմը»։ Մյուս թիմերը հանդես կգան հյուսիսամերիկյան խմբում։