Ամերիկացի բասկետբոլիստը հրավիրվել է Հայաստանի հավաքական

Բասկետբոլի տղամարդկանց Հայաստանի ազգային հավաքականը հունիսի 1-ից կսկսի նախապատրաստվել 2016թ. Եվրոպայի փոքր երկրների առաջնությանը, որը կայանալու է հունիսի 28-ից հուլիսի 3-ը Մոլդովայի մայրաքաղաք Քիշինեւում: Հավաքականի գլխավոր մարզիչ Տիգրան Գյոկչյանն ազգային թիմ է հրավիրել 16 խաղացողների, որոնցից 12-ը կմեկնեն մրցավայր: Նախատեսվում է, որ Երեւանում Հայաստանի հավաքականը կանցկացնի ստուգողական հանդիպումներ, փոխանցում են Հայաստանի բասկետբոլի ֆեդերացիայից։ Պաշտպաններ Ալբերտ Թադեւոսյան, ՄԳՈւ, Մոսկվա (Ռուսաստան) Անդրե Սպայթ Մկրտչյան, «Սան Դեվիլս» (ԱՄՆ) Ամիրան Ամիրխանով, «Լեգիոն» (Ղազախստան) Արթուր Խաչատուրյան, «Խարկով» (Ուկրաինա) Սերգեյ Պոլուխին, «Էլբրուս» (Ռուսաստան) Մայք Դանիելյան, «Բայեր 05» (Գերմանիա) Էդգար Բաբայան. «Օմսկ 1716» (Ռուսաստան) Հարձակվողներ Արտյոմ Տավակալյան, «Հորնեթս Դելեվր» (ԱՄՆ) Միքայել Պողոսյան, «Տիել Տոմկաթս» (ԱՄՆ) Զարեհ Զարգարյան, «Դոմինգես Հիլզ» (ԱՄՆ) Արկադի Մկրտիչյան, «Այդահո Վանդալս» (ԱՄՆ) Անդրեյ Կոնստանտինով, «Արսենալ» Տ. (Ռուսաստան) Պյոտր Ստեփանյանց, ՄԳՈւ (Ռուսաստան) Կենտրոնականներ Բրայանտ Դանստոն, «Անադոլու Էֆես» (Թուրքիա) Կոնստանտին Միրզոյանց, «Տամբով» (Ռուսաստան) Մարսել Հովսեփյան, «Ռուբոն» (Բելառուս) ՖԻԲԱ-ի կանոնադրության համաձայն՝ յուրաքանչյուր հավաքական կարող է իր կազմում ընդգրկել մեկ արտասահմանցի խաղացողի: Օգտվելով այդ հնարավորությունից` Տիգրան Գյոկչյանը հավաքական է հրավիրել նաեւ թուրքական «Անադոլու Էֆես» ակումբում հանդես եկող ամերիկացի Բրայանտ Դանստոնին, ով վաղուց ցանկություն է հայտնել հանդես գալ Հայաստանի դրոշի ներքո: