Մխիթարյանը` լավագույն ֆուտբոլիստների հավաքականում
Հայաստանի ֆուտբոլի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանը եվրոպական թոփ 5 առաջնությունների ամսվա լավագույն ֆուտբոլիստների խորհրդանշական հավաքականում է, որը կազմել է Whoscored.com կայքը: Խորհրդանշական հավաքականում տեղ են գտել իտալական «Սամբդորիա»-ի դարպասապահ Վիվիանոն, անգլիական «Վեսթ Հեմ»-ի պաշտպան Միքայել Անտոնիոն, ֆրանսիական «Լիլ»-ի պաշտպան Սունզուն, «Արսենալ»-ի կենտրոնական պաշտպան Լորան Կոսիելնին, Մադրիդի «Ատլետիկո»-ի պաշտպան Ֆելիպե Լուիսը: Հավաքականում ընդգրկվել են նաև «Բարսելոնա»-ի հարձակվող Լիոնել Մեսսին, «Յուվենտուս»-ի կիսապաշտպան Պոլ Պոգբան, Մադրիդի «Ռեալ»-ի հարձակվող Քրիշտիանու Ռոնալդուն, «Մանչեսթեր Սիթի»-ի հարձակվող Սերխիո Ագուերոն, ՊՍԺ-ի հարձակվող Զլատան Իբրահիմովիչը:
Հետևեք մեզ Viber-ում
