Ծանրամարտի Հայաստանի երիտասարդական առաջնության հաղթողները

Երեւանի օլիմպիական հերթափոխի պետական մարզական քոլեջում ավարտվեց ծանրամարտի Հայաստանի երիտասարդների առաջնությունը, հաղորդում է ՀԱՕԿ լրատվականը: Ոսկե մեդալակիր են դարձել Համլետ Մնացականյանը (56 կգ), Դավիթ Գասպարյանը (62 կգ), Լեւոն Մանուկյանը (69 կգ), Ժորժ Եղիկյանը (77 կգ), Մանուկ Մկրտչյանը (85 կգ), Սամվել Գասպարյանը (94 կգ), Հովհաննես Ավդալյանը (105 կգ) եւ Վարազդատ Լալայանը (+105 կգ): Աղջիկների Հայաստանի երիտասարդական առաջնությունում հաղթող են դարձել Մարիամ Սիմոնյանը (48 կգ), Վալենտինա Մովսիսյանը (53 կգ), Արփինե Տերմենյանը (58 կգ), Ծովինար Կիրակոսյանը (63 կգ), Անի Վարդանյանը (69 կգ), Սոնա Պողոսյանը (75 կգ) եւ Արփինե Դալալյանը (+75 կգ): Երիտասարդական հավաքականը աշխարհի առաջնությանը նախապատրաստվելու համար ուսումնամարզական հավաքի կմեկնի ապրիլի 30-ին Ծաղկաձոր: