Պուտինն ու Էրդողանը կմիավորեն ուժերը

Թուրքիայի և Ռուսաստանի առաջնոդները խորը մտահոգություն են հայտնել Սիրիայի հյուսիս-արևմտյան հատվածում ընթացող ռազմական գործողությունների կապակցությամբ: Անկարան զգուշացրել է, որ կդիմի համապատասխան քայլերի իր ստորաբաժանումների անվտանգությունը ապահովելու համար:

Ռուսաստանի նախագահ Վլադիմիր Պուտինն ու Թուրքիայի նախագահ Ռեջեփ Էրդողանը հանդիպումից հետո հույս են հայտնել, որ միասնաբար կնվազեցնեն լարվածությունը Իդլիբի նահանգում:

«Իդլիբի գոտիում իրավիճակը լուրջ մտահոգում է մեզ և մեր թուրք գործընկերներին»,- նշել է նախագահ Պուտինը: Նա ընդգծել է, որ իրենք հասկանում են թուրքական կողմի մտահոգությունները՝ կապված հարավային սահմանի անվտանգության հետ՝ ընդգծելով դրանց արդարացի լինելը Ռուսաստանի առաջնորդը հատնել է, որ Ռուսաստանն ու Թուրքիան համաձայնության են եկել միասնական քայլեր ձեռնարկելու հարցում ՝ Իդլիբում իրավիճակը կայունացնելու համար, սակայն չի տրամադրել որևէ այլ մանրամասներ:

Հիշեցնենք, որ Իդլիբի շրջանում ռուսական աջակցության ներքո գտնվող նախագահ Ասադի ուժերը սկսել են ռազմական գործողություններ ընդդեմ ընդդիմադիր զինյալների: Այստեղ են գտնվում նաև թուրքական ստորաբաժանումները:
Նախագահ Էրդողանն իր հերթին հայտնեց, որ թուրքական կողմը կդիմի բոլոր անհրաժեշտ քայլերի իրենց ստորաբաժանումների անվտանգությունն ապահովելու համար:

Երկու նախագահները քննարկել են նաև տեխնոլոգիայի ասպարեզում համագործակցության հեռանկարները: Առաջնորդներն այցելեցին MAKS-2019 տեխնոլոգիական ցուցահանդեսը Մոսկվայում: «Մենք կարող ենք միավորել ուժերն այն ոլորտներում, որտեղ մեր փորձն առավել արդյունավետ է և պահանջված», - նշել է Վլադիմիր Պուտինը:

Ռուս-թուրքական հարաբերությունների ջերմությունն, ինչպես նկատում ենք, ոչ միայն առևտրատնտեսական հարաբերություններում է, այլև՝ աշխարհաքաղաքական։
Պուտինն ու Էրդողանն առիթը բաց չեն թողնում, որպեսզի ցույց տան, որ ցանկացած հարցում փոխըմբռնում կա, նույնիսկ նման հարցերում՝ Սիրիայի հյուսիս-արևմտյան հատվածում ընթացող ռազմական գործողությունների։

Մետաքսյա Շալունց