Նախկին և ներկա չկա, կան պրոֆեսիոնալներ
Հրապարակը գրում է.«Իմ քայլում» անհամբեր սպասում են արձակուրդներին։ «Գոնե ԲԴԽ հաջորդ ներկայացուցչին շուտ ներկայացնեն, արտահերթ անենք, գնանք արձակուրդ, այս պահին թեկնածուի անուն դեռ չեն տալիս, չնայած հինգ րոպե առաջ կարող են զանգել-ասել` հավաքվեք, քննարկում ենք»,- ասաց իմքայլականը:
Ի դեպ, նույն աղբյուրների փոխանցմամբ, լուրջ խնդիր կա ԲԴԽ անդամների մասով, մանավանդ` Աննա Մարգարյանի տապալումից հետո: ԲԴԽ դատավորների թեկնածուներով զբաղվում է ԱԺ իրավական հարցերի հանձնաժողովի նախագահ Վլադիմիր Վարդանյանը․ նա է համոզում, պայմանավորվում թեկնածուների հետ, բերում ԱԺ։ Ֆրակցիայի նիստերից մեկում, երբ Արեն Մկրտչյանն առարկել է Վիգեն Քոչարյանի թեկնածությանը, թե Դավիթ Հարությունյանի «մարդն» է, նա վրդովվել է, թե «բավական է շրջանառեք` նախկին, նախկինների հետ աշխատել․ ես էլ եմ երկար տարիներ աշխատել նախկինների հետ, եղել եմ Սահմանադրական դատարանի աշխատակազմի ղեկավարը, եթե 5 հոգի հիմա ձեռք բարձրացնեն ու ասեն, որ ես նախկին եմ ու պետք է գնամ, ես հենց հիմա կհրաժարվեմ մանդատից։
Մարդիկ պրոֆեսիոնալ են, դժվար են գալիս պետական սեկտոր` մասնակցելու ԲԴԽ «մրցույթին», մասնավորում մեծ փողեր են աշխատում, համոզում-բերում ենք, տապալվում-գնում են։ Մի՛ թերագնահատեք այդ մարդկանց»:
Հետևեք մեզ Viber-ում
