Նիկոլ,ձայն հանիր
Հերթական սկանդալի մեջ է հայտնվել Նիկոլ Փաշինյանի ամենասկանդալային պատգամավորը՝ Հայկ Սարգսյանը: Պատգամավորն իր <<նանարներին>> տարել է նախագահական նստավայր, սելֆիներ արել, լուսանկարվել պետության խորհրդանիշների հետ, նախագահականի տարբեր սենյակներում նստել, այդ պատմական պահերն էլ անմահացել: Եւ այս ամենը հայտնվել է լրատվամիջոցներում, մասնավորապես՝ Hraparak.am-ում: Ոսկի երիտասարդության մեր օրերի հերս պատգամավորի մասնակցությամբ սա ոչ առաջին, ոչ էլ վստահ են՝ վերջին սկանդալն է լինելու: Թավշյա հեղափոխության օրերին Նիկոլ Փաշինյանի թիկունքը պահած այս երիտասարդը, որը հետո հռչակվեց ախրանիկ-պատգամավոր, սահուն կերպով բարձրանում է պետության թիկունքին: Նրա արտասովոր կապերի, ունեցվածքի, կենցաղի ու պահվածքի մասին մամուլն անդրադառնում է գրեթե ամեն օր: Սկսած անվանական բաճկոնից, վերջացրած շքեղ ավտոմեքենաներ, գողականների հետ խնճույքներ, դեբոշներ, հայտարարություններ, հակաօրինական կոչեր: Իսկ Նիկոլ Փաշինյանն ու իր թիմը քար անտարբերություն են դրսեւորում: Արդյունքում մարդը հասել է նախագահական, իր <<ծտերի>> հետ անարգում է պետական ինստիտուտներն ու խորհրդանիշերը, ի վերջո, մենք հարկատուներս պարտավոր չենք ու չենք ուզում մեր միջոցների հաշվին պահվող ինստիտուտներում ինչ-որ նանարներ ու անհայտ ծագման պատգամավոր իրենց հաճույքները վայելեն, դրան վերաբերեն իբրեւ ժամանցի կենտրոնի, խրախճանքի օբյեկտի վերածեն:
Երբ ամիսներ առաջ Նիկոլ Փաշինյանը այցելեց հայտնի մաքսատուն ու աշխատասենյակներից մեկի անկյունում տեսնելով լքված ու փոշու մեջ կորած եռագույնը իրեն ծեփեց պատերին, փռվեց ասֆալտին, ափերից դուրս եկավ այն աստիճան, որ գերազանցեց օրենքով իրեն վերապահված լիազորություններն ու տեղում կնքեց աշխատակցի դատավճիռը՝ ազատել աշխատանքից: Նա իր այդ քայլը բացատրեց, թե այլ կերպ չէր կարող լինել, քանի որ անարգվել է մեր պետական խորհրդանիշներից մեկը, ինչը վերաբերմունք է նաեւ սեփական աշխատանքի նկատմամբ:
Հիմա էլ մենք՝ հարկատուներս, համենայն դեպս, ոչ այնքան հպարտներս նույն ցնցակաթվածի մեջ ենք ու սպասում ենք, որ Նիկոլ Փաշինյանն էլ որպես ազնիվ հայրենասեր, ինչպես դա ցուցադրեց մաքսատանը, այս անգամ էլ նույն զգացողությունները կապրի ու կկրկնի այն, ինչ մաքսատան աշխատակցի հետ: Նույնը կանեն իր ընտանիքի անդամ երը, որոնք նույնպես մասնակցում էին այդ <<անարգաքի>> օպերացիային ու փորձում հիմնավորել տան մեծի արարքը: Բա Նիկոլ Փաշինյանի երկրպագուների բանակը, դե այն էլի՝ Իմ Քայլը, որի ներկայացուցիչները մեկը մյուսին հերթ չտալով ստատուսներ էին գրում, հարցազրույցներ տալիս, աչքերը թրջող մտքեր հայտնում, որ հայրենասիրությունը սկսվում է պետական խորհրդանիշների նկատմամբ վերաբերմունքից:
Այո, համաձայն ենք, դուք ճիշտ եք, հիմա ժամանակն է ձեր ճիշտը առաջ տանելու, ձեր սկզբունքայնությունը պահելու, ցույց տալու ու, ի վերջո, ձայն հանելու:
Անի Սահակյան
Հետևեք մեզ Viber-ում
