Պելեն դատի է տվել Samsung ընկերությանը

Բրազիլացի լեգենդար ֆուտբոլիստ Պելեն Samsung Electronics Co-ի դեմ մոտ 30 մլն դոլարի հայց է ներկայացրել՝ պնդելով, որ ընկերությունը ոչ պատշաճ կերպով է մարզիկի նմանակի նկարներն օգտագործել գովազդում: Այս մասին հայտնում է Reuters-ը: Գործակալությունը նշում է, որ գովազդը հրապարակվել է New York Times պարբերականում առանց ֆուտբոլիստի թույլտվության: Այս ամիս Չիկագոյի դաշնային դատարան ներկայացված հայցի համաձայն՝ Samsung-ն անցած տարվա հոկտեմբերին բարձր հաճախականության հեռուստացույցների գովազդը հրապարակել է 2013թ. ապրանքների առաջխաղացման համար հենց ֆուտբոլիստի կերպարն օգտագործելու հարցով բանակցությունների դադարեցումից հետո: Հայցում ասվում է, որ թեև գովազդում չի հիշատակվում Պելեի անունը, սակայն այն ներառում է տղամարդու պատկեր, որը շատ է հիշեցնում ֆուտբոլիստին, նաև ֆուտբոլիստի փոքր լուսանկար՝ գնդակին հարվածելիս: