Կազիմիրովը համոզված է, որ Արցախը պետք է վերադառնա բանակցային սեղանի շուրջ

«Առավոտ» թերթը գրում է. «Մայիսյան եռատոնին նվիրված միջոցառումներին երեկ Ստեփանակերտում մասնակցում էր նաև ԵԱՀԿ Մինսկի խմբի աոաջին համանախագահներից ՌԴ ներկայացուցիչ Վլադիմիր Կազիմիրովը:

Aгavot.am-ի և «Արմենիա» հեոուստաընկերության հետ զրույցում դեսպան Կազիմիրովն ասել է, որ իր համոզմամբ Արցախը պետք է վերադառնա բանակցային սեղանի շուրջ: Նա հիշեցրել է, որ մինչև 1997 թվականը բանակցությունները եռակողմ ձևաչափում էին, ինչն ամրագրված էր Բուդապեշտի հոչակագրով: Այնուհետև Ղարաբաղը դուրս մնաց գործընթացից, ինչում կար և՛ Բաքվի, և՛ Երևանի և՛ համանախագահների մեղքը: Վլադիմիր Կազիմիրովը Արցախի բանակցային սեղան վերադառնալու այլընտրանք չի տեսնում, քանզի վճռվում է հենց Արցախի ճակատագիրը:

Հարցին՝ այժմ տեսնո՞ւմ է այդ հավանականությունը, նա պատասխանել է, որ դա անգամ ԵԱՀԿ Մինսկի խմբի համանախագահներն են ընդունում, թեև հստակ ժամկետներ չեն նշում, թե բանակցային ո՞ր փուլում պետք է Արցախը վերականգնի իր դիրքերը:

Պատասխանելով կարգավորման գործընթացի և բանակցային ներկայիս փուլին վերաբերվող հարցին՝ Վլադիմիր Կազիմիրովն ասել է, որ իր դիտարկումներով, կողմերի դիրքորոշումները՝ նկատի ունի երեք կողմերի՝ Արցախ, Հայաստան, Ադրբեջան, շարունակում են բավական կոշտ մնալ: Նա տպավորություն ունի, որ հարցի կարգավորում «այս» սերնդի պարագայում հնարավոր չէ, կարծում է, որ հարցը լուծում կստանա հաջորդ սերնդի օրոք»:

Մանրամասն՝ թերթի այսօրվա համարում