Որոշվեց. դատարանի պատասխանը

Վերաքննիչ քրեական դատարանը մերժեց «Սպայկա» ընկերության տնօրեն Դավիթ Ղազարյանին կալանավորելու Առաջին ատյանի դատարանի որոշման դեմ պաշտպանական կողմի ներկայացրած բողոքը։

«Մեր բողոքը մերժվեց։ Հնարավոր է՝ մեր վստահորդի հետ քննարկելուց հետո, մոտակա օրերի ընթացքում մամուլի ասուլիս հրավիրենք և ներկայացնենք և մանրակրկիտ խոսենք այս մասին։ Չենք ուզում անձնավորված որևէ վիրավորանք հայտնել, բայց նշեմ, որ այս որոշումը մենք գնահատում ենք գործարարից գումար կորզելու որոշում»,- լրագրողների հետ զրույցում ասաց փաստաբան Կարեն Սարդարյանը։