Խոշոր հրդեհ Շիրակի մարզում. ՖՈՏՈՌԵՊՈՐՏԱԺ

Ապրիլի 24-ին, խոշոր հրդեհ է տեղի ունեցել Շիրակի մարզում: Ժամը 16:25-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Արթիկ քաղաքի Շիրակացի փողոցի թիվ 80 հասցեում գտնվող «Վակումային էլեկտրավառարաններ» բաց բաժնետիրական ընկերությանը պատկանող չշահագործվող պահեստում (անգար) հրդեհ է բռնկվել: Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել է Արթիկի թիվ 49 հրշեջ-փրկարարական ջոկատը, ովքեր քաղաքացիների հետ համատեղ նախ կանխել են կրակի տարածումը, այնուհետև՝ մարել այն: Հրշեջ-փրկարարներն ու քաղաքացիները մեծ դժվարությամբ են կարողացել մարել կրակը: Օպերատիվորեն ժամանել է նաև ոստիկանության Արթիկի բաժնի օպերատիվ խումբը: Թե ինչն է եղել կրակի պատճառը՝ պարզ կլինի մի շարք փորձաքննություններ կատարելուց հետո: Ըստ նախնական տեղեկությունների, զոհեր և վիրավորներ չկան: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Հարութ Համբարյանի