Նախ, քաղաքապետն է ընդունում Օպերայի տնօրենին, մարտի 27-ին նույն մարդը մրցանակ է ստանում, իսկ երկու օրից ազատում են

16:57 - 30/մարտի/2019

Դիտել նաև Ադրբեջանն ասե՞լ է, Արցախը տվեք, Հայաստանը՝ ձեզ, նա ասել է՝ Արցախը տվեք, Հայաստանը տվեք, Սյունիքը տվեք, Սեւանը տվեք, Երեւանը տվեք. Օրբելյան Երևանի քաղաքապետին մեկդ արթնացրեք Երբ անտաղանդ դերասանը նաև անտաղանդ ստատուսագիր է... ՀՀ վաստակավոր մասովշիկը նորից խախտեց կանոնները և, գերագնահատելով իր կարողությունները, նորից խոսեց

Ռեժիսոր, պրոդյուսեր Հրաչ Քեշիշյանն իր ինստագրամյան էջում գրառում է կատարել, որով անդրադարձել է Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար եւ տնօրեն Կոնստանտին Օրբելյանի աշխատանքից ազատվելու լուրին։ Ռեժիսորը գրել է․

«Որոշումներ ընդունել սեփական հակակրանքի, հավակնոտության, սոցցանցերում ենթակաների հետ հանրային շփման գործելակերպի հիման վրա, հիշաչարությամբ ու կազմաքանդելու հետեւողականությամբ` առնվազն ցավալի է: Ընդամենը մի քանի օր առաջ քաղաքապետը ընդունում է օպերայի տնօրենին, իր զորակցությունն է հայտնում, մարտի 27-ին նույն մարդը մրցանակ է ստանում, իսկ երկու օր հետո ազատում են աշխատանքից: Շարունակականության ընդհատումը, սեփական կտուրի բարձրության կույր դիտակետի պատկերը, չհիմնավորված որոշումները, նույն թիմում սեպարատ ու անտեղյակ գոծելը... և դեռ խոսվում է ներգաղթի, տուն վերադաձի, ներդրումների ու հայի սփռված ներուժի մասին: Կոնստանտին Օրբելյանը եկել է հայրենիք, աշխատում է, ստեղծում, իր ներդրումն իր արվեստն է, փորձն է, կապերն են: Տիկին նախարարն էլ է, կարծեմ ինչ-որ տեղից հայրենադարձվել: Բայց տպավորություն կա, որ սրտովը չի այստեղ ապրելը կամ չի սիրում իր հայրենակիցներին: Սեփական դավադրությունների տեսության մեջ խճճված սնոբիզմի նոր դրսևորման ականատեսն ենք»: