Բնակարան, 2 BMW, 7 մլն դրամ. ի՞նչ ունեցվածք ունի Արսեն Թորոսյանը
Zham.am-ը ներկայացնում է ՀՀ Առողջապահության նախարար Արսեն Թորոսյանի ունեցվածքը՝ ըստ բարձրաստիճան պաշտոնատար անձանց էթիկայի հանձնաժողով ներկայացրած հայտարարագրի: 2018 թվականին Արսեն Թորոսյանը` որպես շարժական գույք՝ գրանցել է մեկ առաձնատուն: Որպես շարժական գույք՝ գրանցել է երկու ավտոմեքենա՝ BMW 528 BMW X5: Արսեն Թորոսյանը գրանցել է հետևյալ դրամական միջոցները՝ 15 հազար եվրո, 21 հազար դոլար, 1 մլն 700 հազար դրամ: Նախարարի եկամուտները կազմել են՝ 7 մլն 418 հազար 497 դրամ, որը գոյացել է հետևյալ միջոցներից՝ 6 մլն 518 հազար 497 դրամ՝ աշխատանքի վարձատրություն, 900 հազար դրամ՝ վարձակալության դիմաց ստացված եկամուտ: Արսեն Թորոսյանի կինը՝ Վարդանուշ Թևանյանը սույն թվականի փետրվարի 18-ին ներկայացված հայտարարագրում գրանցել է BMW 535 մոդելի ավտոմեքենա, որը ձեռք է բերվել 7 մլն 800 հազար դրամ արժեքով: Դրամական միջոցները հարկային տարվա սկզբին կազմել են՝ 20 հազար դոլար, 260 հազար դրամ: Հարկային տարվա ավարտին դրանք աճել են՝ դառնալով՝ 30 հազար դոլար, 1 մլն 950 հազար դրամ: Նախարարի կնոջ եկամուտները կազմել են 20 մլն 650 հազար դրամ, որը գոյացել է հետևյալ միջոցներից՝ 17 մլն 500 հազար դրամ՝ աշխատանքի վարձատրություն, 3 մլն 150 000 դրամ՝ վարձակալության դիմաց ստացված եկամուտ:
Հետևեք մեզ Viber-ում
