Շենավան համայնքում տեղի ունեցած ծեծկռտուքի եւ հրաձգության պատճառը գյուղապետի ընտրություններն էին․ հայտնում է Shamshyan.com-ը։
Լոռու մարզի ոստիկաններն ու քննիչները պարզել են, որ մարտի 23-ին ժամը
18:00-ի սահմաններում Շենավան գյուղի ծայրամասում՝ Շենավան գյուղից դեպի
Արևաշող գյուղ տանող դաշտամիջյան հատվածում, կենցաղային հարցերի շուրջ
վիճաբանություն է տեղի ունեցել Շենավան գյուղի բնակիչներ 53-ամյա Հայկ,
22-ամյա Արմեն, 31-ամյա Իշխան Դունամալյանների և համագյուղացիներ 27-ամյա
Հովհաննես, 21-ամյա Վալենտին, 41-ամյա Ալեքսանդր Միրզոյանների, 28-ամյա
Մխիթար Մխիթարյանի և Վանաձոր քաղաքի Չուխաջյան փողոցի բնակիչ, 43-ամյա
Արայիկ Կարապետյանի միջև:
Վիճաբանության ժամանակ հրազենից արձակված կրակոցներից Ա. Հ. և Ի. Դունամալյանները ստացել են հրազենային վնասվածքներ:
Պարզվել է, որ Հայկ Դունամալյանի եղբայրը՝ Շենավան գյուղի բնակիչ,
51-ամյա Հովհաննես Դունամալյանը նույնպես ներկա է եղել միջադեպին և տեսել
է, որ Ա. Կարապետյանը ձեռքին եղած ատրճանակով հարվածներ է հասցրել եղբոր՝
Շենավան գյուղի բնակիչ, 46-ամյա Վոլոդյա Դունամալյանի դեմքին, ապա նույն
ատրճանակով կրակել է Հայկ Դունամալյանի գլխին: Դրանից հետո Ա. Կարապետյանը
կրակել է իր ուղղությամբ, սակայն վրիպել է:
Ոստիկանության Սպիտակի բաժին է դիմել Շենավան գյուղի բնակիչ, Վ.
Միրզոյանի մայրը՝ 45-ամյա Դիաննա Տոնոյանը, և հայտնել, որ իրենց տան մոտ
այդ վիճաբանության ժամանակ Վոլոդյա Դունամալյանը փայտյա ձողերով բազմաթիվ
հարվածներ է հասցրել իր մարմնի տարբեր մասերին, նույն գյուղի բնակիչ,
50-ամյա Արտաշես Դունամալյանը փայտյա ձողով հարվածներ է հասցրել իր աջ
ձեռքին, իսկ նույն գյուղի բնակիչ 18-ամյա Կոլյա Դունամալյանն էլ փայտյա
ձողով նույնպես մի քանի անգամ հարվածել է իրեն:
Դեպքի վայրում հայտնաբերվել է ВАЗ 2106 մակնիշի 34 TV 361 համարանիշի
ավտոմեքենա, որի վրա կան վնասվածքի հետքեր, կոտրված են կողային ապակիները և
այն քննիչի որոշմամբ տեղափոխվել է ոստիկանության Սպիտակի բաժնի պահպանվող
հատուկ տարածք:
Ըստ աղբյուրի՝ մի քանի գյուղացիներ, որոնք հրաժարվել ենն տեսախցիկի առջև
խոսել, պատմել են, որ վիճաբանության պատճառը եղել է աղբ թափելը, սակայն դա
պատրվակ էր, հիմնական պատճառը գյուղապետի ընտրություններն էին, ու եթե
գիշերը ոստիկաններն ու քնիչները օպերատիվ չգործեին, ապա վենդետա էր
լինելու:
Մայիսի 14-ին՝ ժամը 12։00-ին, Հայելի ակումբի հյուրն է Աշոտ Անդրեասյանը
Մայիսի 14-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մայիսի 14-ին՝ ժամը 15։00-ին, Հայելի ակումբի հյուրն է Հրանտ Մելիքյանը
Մայիսի 14-ին՝ ժամը 13։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 14-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Մայիսի 13-ին՝ ժամը 15։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 13-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Գասպարի Սարգսյանը
Մայիսի 13-ին՝ ժամը 15։30-ին, Հայելի ակումբի հյուրն է վաստակավոր ուսուցչուհի Գյուլնարա Ալեքսանյանը
Մայիսի 12-ին՝ ժամը 15։00-ին, Հայելի ակումբի հյուրն է Ալբերտ Բազեյանը
Հետևեք մեզ Viber-ում
