Առաջիկայում եւս կլինեն հնչեղ բացահայտումներ, բայց ես էլ եմ դժգոհ իրավապահների աշխատանքից. ԱԱԾ տնօրեն

  «Ես էլ եմ դժգոհ իրավապահ մարմինների աշխատանքից՝Ազգային անվտանգության ծառայության աշխատանքից:Որոշակի նվազում կա այն տեմպի եւ այն աշխատանքների, որոնք մենք իրականացրել ենք մեր գործունեության սկզբնական շրջանում։Դա բացատրվում է նրանով, որ իրավական հիմքերը պետք է լինեն շատ ամուր, որպեսզի մեր կատարած որեւէ գործ հետագայում հնարավոր չլինի շահարկել, բողոքարկել եւ ասել, որ մենք գործել ենք քմահաճույքով:Մենք գործում ենք միայն օրենքով եւ փորձում ենք անել ամեն ինչ, որպեսզի օրենքի բոլոր պահանջները պահվեն։ Ես կարծում եմ, որ առաջիկայում եւս կլինեն հնչեղ բացահայտումներ»,-Ժ-ում լրագրողների հետ զրույցում ասաց ԱԱԾ տնօրեն Արթուր Վանեցյանն՝ անդրադառնալով դիտարկմանը, որ վարչապետն իր ասուլիսի ժամանակ դժգոհություն է հայտնել իրավապահների աշխատանքի վերաբերյալ: