Արցախի Հանրապետության ԱԳՆ ղեկավար Մասիս Մայիլյանը հարցազրույց է տվել Регнум-ին:
Խոսելով խորհրդատվությունների ակտիվացման մասին` նա նշել է, որ Բաքվի ու Երևանի միջև հանդիպումների որոշակի ինտենսիվացումը կապված է միմյանց դիրքորոշումներին ծանոթանալու` կողմերի ձգտման հետ:
Հարցին, թե ՀՀ վարչապետ Նիկոլ Փաշինյանը հայտարարել է բանակցային գործընթացում ԼՂՀ-ն ներգրավելու անհրաժեշտության մասին, ինչպե՞ս է ինքը տեսնում այդ գործընթացը, Մայիլյանը պատասխանել է. «Նախ նշեմ, որ եռակողմ ձևաչափի վերականգնման հարցում Երևանը և Ստեփանակերտը նույն դիրքորշումն ունեն: Ժամանակը ցույց է տվել, որ հենց եռակողմ ձևաչափն է ամենարդյունավետը եղել: Հենց այդ ձևաչափով հաջողվեց ձեռք բերել միակ զգալի արդյունքը` կրակի դադարեցման մասին` 1994 թվականի եռակողմ համաձայնագիրը, որը կնքվեց ՌԴ-ի միջնորդությամբ: Եռակողմ բանակցային ձևաչափի հաջողության բանաձևը շատ պարզ է` կողմերից յուրաքանչյուրն ուղիղ ներկայացնում էր իր շահերը և քննարկում իր իրավասությունների մեջ մտնող հարցերը»:
Հարցին` ԼՂ հակամարտության կարգավորման նախագծերի ճնշող մեծամասնությունը ենթադրում է ԼՂՀ-ի տարածքի կրճատում, ինչպե՞ս է ինքը վերաբերվում այդ գաղափարներին, Արցախի ԱԳՆ ղեկավարն ասել է` քանի որ հայ-ադրբեջանական հակամարտությունը տարածքային վեճ չէ, ուստի տարածքային զիջումների վրա հիմնված լուծումները անհեռանկարային են և չեն արտացոլում հակամարտության էությունը:
«Տարածքների հանձնումը ոչ միայն Արցախի, այլև Հայաստանի անվտանգության համակարգի փլուզմանը տանող ուղիղ ճանապարհն է: Այլ կերպ ասած` մեզ համար այդ հարցը գոյության նշանակություն ունի: Ադրբեջանի ղեկավարի հայտարարություններից հետևում է, որ պաշտոնական Բաքվի ռազմավարական նպատակն է գրավել ոչ միայն Արցախը, այլև ՀՀ-ի Սյունիքի մարզը, անգամ` մայրաքաղաք Երևանը: Մենք պետք է ամենայն լրջությամբ վերաբերվենք Ադրբեջանի նախագահի ու ԶՈւ գերագույն հրամանատարի հայտարարություններին և չհեշտացնենք դեպի այդ ռազմավարական նպատակը տանող ճանապարհը: Հիշեցնեմ, որ Արցախի ղեկավարությունը բազմիցս հայտարարել է անցյալին վերադառնալու անհնարինության և անթույլատրելիության մասին` ինչպես կարգավիճակի հարցում, այնպես էլ` տարածքների: Բացի այդ` 2009 թվականի հուլիսի 17-ից հետո, երբ հրապարակվեցին միջնորդների մոտեցումները ԼՂ հակամարտության կարգավորման վերաբերյալ, Արցախի Հանրապետության ԱԳՆ-ն հանդես եկավ հայտարարությամբ խեղաթյուրված բանակցային գործընթացի վերագործարկման անհրաժեշտության, Արցախի` բանակցային գործընթաց վերադարձի մասին: Արցախի Հանրապետության այդ դիրքորոշումն անփոփոխ է մնում»,- հայտարարել է Մայիլյանը:
Խոսելով Արցախում կայանալիք նախագահական ընտրություններին իր հնարավոր մասնակցության մասին` նա նշել է, որ դեռ վաղ է խոսել է ընտրությունների հետ կապված ծրագրերի մասին:
Օգոստոսի 14-ին՝ ժամը 13։30-ին, Հայելի ակումբի հյուրն է Սերգեյ Շաքարյանցը
Օգոստոսի 14-ին՝ ժամը 13։00-ին, Հայելի ակումբի հյուրն է Համահայկական ճակատ շարժման անդամ Նաիրա Գրիգորյանը
Օգոստոսի 14-ին՝ ժամը 14։00-ին, Հայելի ակումբի հյուրն է Արմենակ Դանիելյանը
Օգոստոսի 14-ին՝ ժամը 16։30-ին, Հայելի ակումբի հյուրն է Դերենիկ Մալխասյանը
Օգոստոսի 14-ին՝ ժամը 15։30-ին, Հայելի ակումբի հյուրն է Հենրիխ Դանիելյանը
Օգոստոսի 14-ին՝ ժամը 11։00-ին, Հայելի ակումբի հյուրն է Էդգար Էլբակյանը
Օգոստոսի 13-ին՝ ժամը 12։00-ին, Հայելի ակումբի հյուրն է Հրանտ Միքայելյանը
Օգոստոսի 13-ին՝ ժամը 13։00-ին, Հայելի ակումբի հյուրն է Մանուել Մանուկյանը
Օգոստոսի 13-ին՝ ժամը 14։00-ին, Հայելի ակումբի հյուրն է Ռուզաննա Ստեփանյանը
Օգոստոսի 13-ին՝ ժամը 15։00-ին, Հայելի ակումբի հյուրն է Նաիրի Հոխիկյանը
Հետևեք մեզ Viber-ում
