Զիդանը վստահեցրել է, որ անքուն գիշեր չի անցկացնելու:
Իսպանիայի առաջնության 31-րդ տուրում կայանալիք «Բարսելոնա»-ի դեմ խաղի նախօրեին Մադրիդի «Ռեալ»-ի գլխավոր մարզիչ Զինեդին Զիդանը վստահեցրել է, որ անքուն գիշեր չի անցկացնելու: «Ես լավ կքնեմ: Կլասիկոն ֆուտբոլի տոն է, և մենք պետք է բավականություն ստանանք` լավ դրսևորելով մեզ բարձրակարգ ֆուտբոլիստների դեմ խաղում: Վաղն առաջին «էլ կլասիկո»-ն կվայելեմ որպես մարզիչ: Հնարավորություն ունեմ փոխել տխուր ավանդույթը. երբ Ռոնալդուն, Բենզեման և Բեյլը խաղում են «Բարսելոնա»-ի դեմ, «Ռեալ»-ը պարտվում է: Կարող եմ վստահ ասել, որ մենք կենտրոնացած ենք և մոտիվացված: Հասկանալի է, որ հեշտ չի լինի, բայց մենք որոշ ծրագրեր ունենք` կապված խաղի հետ»,- Marca-ն մեջբերում է Զիդանի խոսքերը:
Հետևեք մեզ Viber-ում
