Փաստորեն Նիկոլը չներեց կապանցիներին, բայց ոչինչ, մենք կներենք իրեն. Մենուա Հարությունյան

Քաղաքագետ Մենուա Հարությունյանը իր ֆեյսբուքյան էջում գրում է. Նիկոլը չներեց կապանցիներին. Փաստացի նոր խորհրդարանում Հայաստանի միակ հերոս քաղաք Կապանը պատգամավոր չունի, պատգամավոր չունի նաև Հայաստանի հարավային դարպաս Մեղրին, մեծ հաշվով նաև Գորիսը և եթե չլիներ Նաիրա Զոհրաբյանը՝ ով քաղաքական ֆիգուր է և քիչ, թե շատ փորձելու է սյունեցիների ձայնը բարձրացնել խորհրդարանում, կարող էինք վստահաբար նշել, որ Նիկոլի կերտած խորհրդարանում Լեռնահայաստանը ներկայացված չէ և սյունեցու ձայնը,նրա հոգսերն ու խնդիրները լսելի չեն լինելու... Իմ Լեռնահայաստան, ես մանդատ չունեմ, բայց ունեմ կամք ու վճռականություն, սեր ու հավատանք՝ իմ Հայրենիքին ծառայելու և կարող եք համարել, որ ես Լեռնահայաստանի անմանդատ պատգամավորն եմ հայաստանյան քաղաքական կյանքում, ով բարձրաձայնելու է սյունեցու պրոբլեմներն ու խնդիրները և թույլ չի տալու, որ այլևս որևէ մեկը մտնի սյունեցու և իշխանության արանքը՝ փորձելով սեփական, անձնական կամ բիզնես շահերն առաջ մղել՝ ի հաշիվ Լեռնահայաստանի բարորության: Ես ձեր կողքին եմ պետական մտածողությամբ ապրող իմ սյունեցիներ, կբարձրաձայնեմ ձեր բոլոր հարցերն ու խնդիրները և հիշեք, որ դեռ մենք մեր քայլն անելու ենք ձիով : Փաստորեն Նիկոլը չներեց կապանցիներին, բայց ոչինչ մենք կներենք իրեն ...