Արտակարգ դեպք Երևանում. 31-ամյա կինը ոչ ադեկվատ վիճակում փորձում էր ինքնասպան լինել

SHAMSHYAN.com-ի տեղեկություններով՝ այսօր, հունվարի 4-ին, արտակագ դեպք է տեղի ունեցել Երևանում։ Ժամը 17։35-ի սահմաններում արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Կենտրոն վարչական շրջանի Ռոստոմի փողոցի շենքերից մեկի բնակիչը փակվել է բնակարանի լոգարանում և սպառնում է երակները կտրելու միջոցով ինքնասպան լինել։ Ինչպես հայտնում է ֆոտոլրագրող Գագիկ Շամշյանը, օպերատիվորեն նշված հասցե են ժամանել ԱԻ Ն ՓԾ թիվ 3 հրշեջ-փրկարարական ջոկատը, Երևանի 1-03 շտապօգնության բժիշկների հերթապահ խումբը, արտակարգ իրավիճակների նախարարության Աղետների բժշկության կենտրոն ՊՈԱԿ-ի հերթապահ խումբը, ինչպես նաև Ոստիկանության Կենտրոնական բաժնի օպերատիվ խումբը։ Տեղում այդ կնոջը հոգեբանական օգնություն է ցուցաբերել ԱԻՆ հոգեբան Տիգրան Սարգսյանը, իսկ բժիշկները առաջին բուժօգնություն են ցուցաբերել։ Ֆոտոլրագրողը հայտնում է՝ երբ հրշեջ-փրկարարները բացել են բնակարանի դուռը, այնտեղ գտնվող 31-ամյա Մ. Ս.-ին հայտնաբերել են ոչ ադեկվատ վիճակում, իսկ տանն էլ եղել են 1.5 և 2.5 տարեկան երեխաները։ Փրկարար հոգեբանին և բժիշկներին հաջողվել է նրան փրկել, ով ածելիով մի թեթև վնասել է ձեռքը։ Փաստի առթիվ Ոստիկանության Կենտրոնական բաժնի հետաքննչական բաժանմունքում նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: