Ռուսաստանն իր կողմից պատրաստ է անել հնարավորը. Պուտին

Հայաստանի և Ռուսաստանի միջև առևտրաշրջանառությունն աճում է: Այս մասին ՀՀ վարչապետի պաշտոնակատար Նիկոլ Փաշինյանի հետ հանդիպումից հետո հայտարարել է ՌԴ նախագահ Վլադիմիր Պուտինը: «Մեր հարաբերությունները բնութագրել պետք չէ: Դրանք իրոք դաշնակցային հարաբերություններ են՝ բավականին լուրջ բովանդակությամբ: Ռուսաստանն առաջին տեղում է Հայաստանի արտաքին տնտեսական հարաբերություններում, և 2017 թվականին առևտրաշրջանառությունն աճել է 30 տոկոսով: Այս տարվա 10 ամիսների ընթացքում այն ավելացել է ևս 17,5 տոկոսով: Ռուսաստանն իր կողմից պատրաստ է անել հնարավորը Երևանի հետ հարաբերությունների մակարդակը պահպանելու համար: Խոսքը վերաբերում է ոչ միայն տնտեսական ոլորտին, այլ նաև մյուս ուղղություններին, մասնավորապես՝ անվտանգային ոլորտին: Մի խոսքով, մենք շատ հարուստ, հագեցած օրակարգ ունենք»,-ասել է Պուտինը: