«Կարող ենք նրանց այնքան արագ և այնքան ուժգին հարված հասցնել, որ նրանք չեն էլ հասկանա, թե ինչ տեղի ունեցավ». Թրամփ
« Միացյալ Նահանգները չի պատրաստվում դուրս բերել իր զորքերը Մերձավոր Արեւելքի այդ երկրից: Իրականում մենք կկարողանանք սա օգտագործել որպես մեկնակետ, եթե ցանկանանք ինչ-որ բան անել Սիրիայում… Եթե մենք տեսնենք, որ ինչ-որ բան է տեղի ունենում ԻՊ-ի հետ, ինչը մեզ դուր չի գալիս, մենք կարող ենք նրանց այնքան արագ եւ այնքան ուժգին հարված հասցնել, որ նրանք չեն էլ հասկանա, թե ինչ տեղի ունեցավ»,- հայտարարել է ԱՄՆ-ի նախագահ Դոնալդ Թրամփը, դեկտեմբերի 26-ին Իրաքում ԱՄՆ-ի զինծառայողների հետ կայացած հանդիպման ժամանակ: Նրա խոսքը փոխանցել են ԱՄՆ-ի լրատվական հեռուստաընկերությունները։ Գլխավոր հրամանատարը պարզաբանել է, որ ինքն Իրաքից զորքերը դուրս բերելու «ոչ մի կարգի պլաններ չունի»: Ինչպես նշում են Թրամփին ուղեկցող լրագրողները, նախագահն առաջին տիկնոջ հետ դեկտեմբերի 26-ին չհայտարարված այցով ժամանել է Բաղդադից դեպի արեւմուտք գտնվող Այն ալ Ասադ ռազմաօդային հենակայան եւ շուրջ 20 րոպե զրուցել ամերիկացի զինծառայողների հետ: Գլխավոր հրամանատարը նաեւ հանդիպել է Իրաքում ԱՄՆ- դեսպանի, ինչպես նաեւ հրամանատարական կազմի հետ: Թրամփը պատմել է, որ իր պաշտոնում մարտական գործողությունների գոտի առաջին ուղեւորության ժամանակ ավելի շատ անհանգստացել է իրեն Իրաք ուղեկցող մարդկանց, քան իր համար, հաղորդել է ՏԱՍՍ-ը:
Հետևեք մեզ Viber-ում
