Նախարար չի լինի, բայց կարգավիճակը կպահպանի. վարչապետի ընտանիքի մտերիմն է

Հրապարակ օրաթերթը գրում է. Թեեւ երեկ հաստատվեց, որ «Իմ քայլը» դաշինքի խորհրդարանական ֆրակցիայի ղեկավարի պաշտոնում կներկայացվի մշակույթի նախկին նախարար Լիլիթ Մակունցի թեկնածությունը, ինչպեսեւ օրեր առաջ գրել էինք մենք, սակայն իրական ղեկավարումը կստանձնի խմբակցության քարտուղար Հակոբ Սիմիդյանը, որին թիմում «ընդունում» են գրեթե բոլորը, քանի որ «նա կարողանում է հարաբերություններ հաստատել ու պահել գրեթե բոլորի հետ»։ Իսկ Մակունցի նշանակումը հիմնավորվում է վարչապետի ընտանիքի հետ ունեցած մտերմությամբ։ Այնպես են արել, որ նախարարի պաշտոնից զրկվելը Փաշինյանի անգլերենի ուսուցչուհին ծանր չտանի եւ չնեղվի շարքային պատգամավորի կարգավիճակից։ Խմբակցության ղեկավարի պաշտոնում նա կունենա բավականին ծանրակշիռ կարգավիճակ՝ ծառայողական մեքենա, լավ աշխատասենյակ, բարձր աշխատավարձ եւ այլն։