«Սիրուշո ջան, պետք է հարցնեիր՝ հայրիկ, այս ամենը մեզ որտեղի՞ց ու ինչպե՞ս». Ստյոպա Սաֆարյանի պատասխանը Սիրուշոյի գրառմանը
Քաղաքագետ Ստյոպա Սաֆարյանը ֆեյսբուքյան իր էջում գրել է. «Սիրուշո ջան, իր թողած գործը միայն դուք եք տեսել ձեր ընտանիքում ու տնօրինած կարողություններում, որոնց կապակցությամբ պետք է որ հարց տված լինեիր՝ հայրիկ, այսքանը մեզ որտեղի՞ց ու ինչպե՞ս... Իսկ անցած բարդ ուղու վրա միայն դիակներ են.... Հոկտեմբերի 27-ը և մարտի 1-ը վկա»: Նշենք, որ երգչուհի Սիրուշոն Instagram-ի իր էջում լուսանկար է հրապարակել և գրառում արել, որի մեջ թեպետ անուն չի նշել, սակայն ակնհայտ է, որ նկատի է ունեցել իր սկեսրայրին՝ Ռոբերտ Քոչարյանին. «Զուսպ, հոգատար, սրտացավ, ճշտապահ ու արդարամիտ. այսպիսինն է ՆԱ՝ Աննկարագրելի Մեծ ու դժվար ճանապարհ անցած, բայց դրանից ոչ մի պահ չթուլացած, և իր մարդկային դրական ու օրինակելի տեսակը չկորցրած»,- իր գրառման մեջ մեջբերել էր Սիրուշոն:
Հետևեք մեզ Viber-ում
