Երկու կողմից էլ տեղի են ունեցել դիրքային տեղաշարժեր. Փաշինյան
ՀՀ վարչապետի պաշտոնակատար Նիկոլ Փաշինյանն այսօր լրագրողների հետ զրույցում անդրադարձավ ադրբեջանական կողմի այն հայտարարությանը, թե Նախիջևանի սահմանին իրենց հաջողվել է հսկողության տակ վերցնել 11 հազար հա տարածք: «Ես տեսնում եմ, որ նախորդ կառավարության ներկայացուցիչներն ինչ-որ մեկնաբանություններ են անում Նախիջևանի տարածքների հետ կապված: Նախիջևանի ուղղությամբ ինչ դիրքային խնդիրներ որ տեղի են ունեցել, տեղի են ունեցել փետրվար-մայիս ամիսներին` իմ` վարչապետ դառնալուց առաջ: Այսպես ասեմ` երկու կողմից էլ տեղի են ունեցել դիրքային տեղաշարժեր: Ես պաշտոնապես ասում եմ, որ այն տարածքները, որոնք մայիսի 8-ի դրությամբ եղել են Հայաստանի զինված ուժերի վերահսկողության ներքո, շարունակում են մնալ Հայաստանի զինված ուժերի վերահսկողության ներքո»,- շեշտեց նա:
Հետևեք մեզ Viber-ում
