Փաշինյանը ցուցմունք կտա. Դավիթ Շահանզարյան
ՀՀԿ համասնական ցուցակով պատգամավոր թեկնմածու առաջադրված Դավիթ Շահանզարյանը ՀՀԿ գրասենյակում հրավիրած ասուլսիում պատմեց, թե ինչպես են իրեն հրավիրել ԱԱԾ: «Իմ համար զարմանալի էր, որ ԱԱԾ-ն հրապարակեց այս ամենը։ Դրանից հետո անիմաստ է կորցնել ժամանակ, գնալ այնտեղ։ Այս ամենը ես համարում եմ քաղաքական հետապնդում, որի հրահանգը նրանց տվել է արձակուրդում գտնվող ՀՀ վարչապետի պաշտոնակատարը։ Ես կպատռեի այդ թուղթը, եթե այլ կառույց լիներ, որը արեցի ՀՔԾ-ի դեպքում։ Ինչ է գրված այս փաստաթղթում, ես ասուլիսում հայտարարություն եմ արել Սասուն Միքայելյանի հայտարարության վերաբերյալ։ Եթե ես դա 27-ին եմ արել, ինչո՞ւ եք հիմա սա անում։ Հիշեցնեմ, երեկվա իմ հայտարարությունում ես ասել եմ, որ եթե իմ ասածներում ինչ որ բան չի համընկնում, թող Փաշինյանը գա ուղիղ եթեր։ Իսկ ինքն ինձ ասել ա, գնա Արցախի հարցը կքննարկես ԱԱԾ-ում: Ես իրավական գնահատական առայժմ չեմ տալիս, տվել եմ քաղաքական։ Էդ ինչի Փաշինյանը երեկ վախեցա՞վ գալ։ Վախեցավ ցուցմունք տա՞։ Կգա այդ, օրը, որ նա մեղադրանքի կարգավիճակում ցուցմունք կտա։ Ես խոստանում եմ»։ Դավիթ Շահնազարյանի խոսքով, ինքը պատրաստվում էր գնալ ԱԱԾ, քանի որ կառավարել է այդ կառույցը։ 23 տարի է անցել ու այդքան ժամանակ որևէ բացասական խոսք չի ասել կառույցի վերաբերյալ։ Նա նշեց, որ ևս մեկ պատճառ է ուզում ներկայացնել, թե ինչու էր պատրաստվում այսօր գնալ ԱԱԾ: «Ես ղեկավարել եմ այդ կառույցը, 23 տարի է անցել, և եթե ուշադրություն եք դարձրել,այդ 23 տարվա ընթացքում որևէ բացասական գնահատական չեմ տվել այդ կառույցին: Այսօր Հայաստանում իրավապահ կառույցներ գոյություն չունեն, դրանք պատժիչ կառույցներ են, որոնք պետության հետ կապ չունեն և պաշտպանում են միայն ու միայն Փաշինյանի շահերը: Այո, սա քաղաքական հետապնդում է՝ ուղղված ոչ միայն իմ դեմ: Սա փորձ է վախեցնել այն մարդկանց, նրանց թիվը շատ մեծ է, որոնք պատրաստվում են քվեարկել ՀՀԿ օգտին»,- ասաց Դավիթ Շահնազարյանը:
Հետևեք մեզ Viber-ում
