Սա չէ, որ մեզ պետք է օգնի` շատ ձայն հավաքենք.Ալեն Սիմոնյան
«Ակնհայտ է, որ հերթական անգամ ի ցույց են դնում իրենց վերաբերմունքը:Ես, համենայն դեպս, որպես պատգամավոր, այստեղ եմ և պատրաստ եմ իմ պարտականությունը կատարել»,- խորհրդարանում լրագրողների հետ զրույցում ասաց «Ելք» խմբակցության պատգամավոր Ալեն Սիմոնյանը՝ անդրադառնալով ԱԺ Հանրապետական խմբակցության պատգամավոր Արամ Հարությունյանի նկատմամբ քրեական հետապնդում հարուցելու և նրան ազատությունից զրկելուն համաձայնություն տալու հարցի քննարկման ժամանակ ՀՀԿ պատգամավորների բացակայությանն ու քվորում չապահովելուն: Հարցին` հնարավոր չէ՞ր սպասել, քանի որ մի շաբաթից այս խորհրդարանի աշխատանքները վերջանում են, և մյուս խորհրդարանի աշխատանքները սկսելուց հետո Արամ Հարությունյանն այլևս պատգամավոր չի լինի, հետևաբար` հարցն ավելի հեշտ կլուծվեր, Սիմոնյանն արձագանքեց. «Այսինքն` արհեստականորեն ինչ-որ բան արվեր, հա՞: Եթե օրենքի բնականոն գործընթաց է, դա պետք է արվի: Ի վերջո, որ պատգամավորի հետ կապված նման իրավիճակ ենք ունենալու, վարչապետն ամիսներ առաջ ամբիոնից հնչեցրել էր»:
Հետևեք մեզ Viber-ում
