«Պահանջում ենք քաղաքապետի հրաժարականը»
Արարատ քաղաքում ՀՀ վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանի հետ հանդիպման ժամանակ ներկաներից մեկը հայտարարեց, որ իրենք պահանջում են քաղաքապետի հրաժարականը: «Այս իրավիճակին մի քանի տեղ բախվել ենք: Առաջարկում ենք թեմաները չխախտենք: Մարալիկում շատ մանրամասն խոսել եմ այդ մասին: Ձեր տված թղթերը կուսումնասիրենք»,- ասել է Նիկոլ Փաշինյանը: Դիտարկմանը, թե այս հարցին շտապ որոշում է պետք, Փաշինյանն արձագանքեց. «Եկեք չշտապենք, այս հարցը հանգիստ է սիրում: Ես ժամանակին մասնակցել եմ իշխանափոխության տարբեր պրոցեսների, որոնք ձախողվել են: Հետո մենք ինքներս մեզ հարց տվեցինք՝ գուցե մենք ենք ինչ-որ բան սխալ անում: եւ 2013-ին որոշեցինք կանգ առնել, հասկանալ՝ ինչն ենք սխալ անում: Մենք ասացինք, որ մեկ անգամ ենք ժողովրդին իշխանափոխության հրավիրելու, որովհետեւ համարում ենք, որ մեկ շանս պետք է լինի: Մենք ասում էինք՝ այո, աղետ է, բայց եթե փորձ անենք ու սխալվենք, դրանով երկարաձգում ենք իշխանափոխությունը»:
Հետևեք մեզ Viber-ում
