«Մի վարչապետ ունեինք, ասում էր՝ մի ասեք ճգնաժամ, կգա Հայաստան»․ Էդմոն Մարուքյան
Սպիտակում «Լուսավոր Հայաստան» կուսակցության քարոզարշավի ժամանակ ԱԺ պատգամավորության թեկնածու Էդմոն Մարուքյանը հայտարարեց, որ «Ելքի» քարոզարշավի ժամանակ եղել են Ապարանում, նորմալ քարոզարշավ են անցկացրել, բայց Ապարանից 95 ձայն են ստացել, իսկ ամբողջ շրջանից՝ 200 ձայն։ «Հիմա չկան շատ ուժեր, որոնք պետք է ձայն ստանան, չկան ուժեր, որոնք արժանի են ձեր քվեներին։ Մի ուժ կա, որը հեղափոխություն իրականացնող ուժն է, որն առաջին տեղում է, իսկ մյուս ուժերը չեն կարող ասել, որ իրենց անցած ճանապարհով լսել են քաղաքացուն, կանգնած են եղել մարդկանց կողքին։ Ինչ ասեն՝ կարող եք իրենց դեմը դնել։ Միակ ուժեր, որ լեգիտիմ ունի երկրորդ ուժը լինելու հավակնությունը «Լուսավոր Հայաստան» կուսակցությունն է»,- հայտարարեց նա։ Խոսելով աղետի գոտու խնդիրների մասին՝ Մարուքյանը նշեց. «Հիմա որ աղետի գոտի բառը չեն օգտագործում, աղետի գոտին դրանից վերանում ա՞...Մի վարչապետ ունեինք, ասում էր՝ մի ասեք ճգնաժամ, ճգնաժամը կգա Հայաստան: Սուս մնացեք էլի, կարող ա Վրաստանի մոտով անցնի, գնա»:
Հետևեք մեզ Viber-ում
