16 միլիոն եվրո` Սուարեսի տրանսֆերի համար

Կատալոնական «Բարսելոնա»-ն պարտավորված է ևս 16 միլիոն եվրո վճարել անգլիական «Լիվերպուլ»-ին հարձակվող Լուիս Սուարեսի տրանսֆերի համար՝ գրում է «Football Leaks»-ը: Կայքը գրում է, որ համաձայնագրով՝ կատալոնական ակումբը ֆուտբոլիստի տրանսֆերի գումարը պետք է վճարի 5 մասով, որոնցից չորսն արդեն վճարել է 2014 թվականի հուլիսի 31-ից մինչև 2015 թվականի հունվարի 31-ը և 2015 թվականի հուլիսի 31-ից մինչև 2016 թվականի հունվարի 31-ն ընկած ժամանակահատվածում: 5-րդ վճարումը թիմը պետք է կատարի 2016 թվականի հուլիսի 31-ին: Սուարեսի տրանսֆերի համար «Բարսելոնա»-ն ընդհանուր վճարելու է 82 միլիոն եվրո: