Վարուժան Սուքիասյանը` Հայաստան-Բելառուս խաղի մասին

Տպավորությունն այն էր, որ գոլային պահեր երկրորդ խաղակեսում ավելի շատ եղան: Այս մասին Հայաստան-Բելառուս խաղից հետո լրագրողների հետ զրույցում ասաց ազգային հավաքակնի գլխավոր մարզիչ Վարուժան Սուքիասյանը, ով իր առաջին հանդիպումն էր անցկացնում ընտրանու ղեկին: Խոսելով հավաքականում նորամուտը տոնած ֆուտբոլիստների մասին` Սուքիասյանն ասաց, որ այսօր պետք էր փորձել Գեղամ Ղադիմյանին, «որովհետև նա ավելի կրեատիվ է, մի քանի ընկերական խաղ ունենք, կփորձենք»: Գլխավոր մարզչի հարց հնչեցվեց, թե որքանով է ճիշտ, որ հավաքականի կազմը որոշի ՀՖՖ նախագահը, քանի որ վերջինս հայտարարել էր, որ հավաքականի երեք ֆուտբոլիստներ չեն հրավիրվի հավաքական, քանի դեռ ինքը ֆուտբոլի ֆեդերացիայի  նախագահն է: «Ես նայում եմ այն տղաներին, ովքեր այսօր պատրաստ են և այսօր իմ տեսադաշտում են»,- նշեց մարզիչը: «Կազմի ընտրությունը, մարտավարության ընտրության հարցը ընդհանրապես մարզչի գործն է: Ժամանակ ունենք, եկեք չշտապենք դեռ փորձարկումների մեջ ենք: Եկեք հարցերին հեռվից նայենք, թողեք աշխատենք»,- եզրափակեց մարզիչը: